ఏం రాజకీయాలో ఏమో?

న్యూస్ పేపర్స్ తప్పించి ఇంకేమి చదవను.న్యూస్ చానల్స్ తప్పించి ఇంకేమి చూడను.రాజకీయాలు తప్పించి ఇంకేమి మాట్లాడను. ఈ స్థితికి నేను చేరుకోవడానికి ఎన్నో కారణాలున్నాయి.

అందులో ప్రప్రధమమైనది గతంలో నేనెదుర్కున్న నా పేదరికం. పేదరికం కారణంగా నేనెదుర్కొన్న అవమానాలు. ప్రస్తుతం పూర్తిగా భయిటపడినట్టే .అయినా నాటి దుస్థితి ఇప్పటికీ ఒక పీడకలలా నన్ను వెంటాడుతూనే ఉంది.

నా పేదరికానికి ఇంకెవరినో కారకులు చెయ్యడం నా ఉద్దేశం కాదు. కాని నాతో పోలిస్తే ఏమాత్రం అర్హత లేని ఎదవన్నర ఎదవలు సైతం "ఏదో మార్గాన" రెండు చేతుల్లో సంపాదిస్తుంటే -సంపాదించిన వాటిని అనుత్పాదక రంగాల్లో పోసి -మసి చేసి - తాము చెడి -సమాజాన్ని నాశనం చేస్తుంటే మాత్రం ఈ వ్యవస్థ మీద చిర్రెత్తి పోతుంది.

ఇదే వ్యవస్థలో - ఈ వ్యవస్థలోని లోపాల కారణంగా నేను కటిక పేదరికాన్ని- ఆకలిని ఎదుర్కొన్నాను. ఆకలితో అలమటిస్తున్నప్పటికి నేను కేవలం అది అధర్మమనో , అన్యాయమనో , సిగ్గు పడాల్సిన పననో చెయ్యలేనని వదులుకున్న పనులను ఎందరో లక్షాదికార్లు సైతం దర్జాగా చేస్తున్నారు. విధిలేని పరిస్థితిలో చేసి -చేస్తున్నందుకు సిగ్గు పడుతున్నా ఫర్వాలేదు. ఆ పని చెయ్యలేని వారిని "చేత గానోళ్ళని" తీసి పారేస్తున్నారు.

ఈ స్థితిగతులును మార్చాలంటే అది కేవలం రాజకీయాలతోనే సాధ్యం. అయితే నేను ప్రత్యక్ష రాజకీయాల్లోకి దూకేటంత ఆర్థిక స్థోమత నాకు లేదు.అందుకే ఎవరైతే మానవీయ పరిపాలన అందివ్వగలరో వారికి మద్దత్తు పలుకుతూ .. ఆదర్స ప్రాయమైన నా సూచనలు సలహాలను బ్లాగుల ద్వారా తెలియచేస్తున్నాను.

నేను మద్దత్తు పలికేవారు నా సలహాలు సూచనలను అమలు చెయ్యక పోవచ్చు. కాని వీటిని చదివే మీలో ఏ ఒక్కరో ఒక కలెక్టర్ కావచ్చు -ఒక ఎస్.పి కావచ్చు -ఎం.ఎల్.ఏ/ఎం.పి కావచ్చు.అప్పుడు నా సలహాలు గుర్తుకొచ్చి మీరే అమలు చెయ్యొచ్చు.

ఏది ఏమైనప్పటికి నా తాపత్ర్యం వ్యవస్థలో మార్పు కొరకే. జగన్ విషయంలో ప్రతి ఒక్కరు లేవనెత్తె సంగతి అవినీతి ఆరోపణలే.వాటిని కోర్టులు చూసుకుంటాయి. ఆరోపణలను మినహాయిస్తే నిత్యం ప్రజల్లో ఉండడం -ప్రజా సమస్యల పై స్పందించడం - తాను ఎవరి మీదైతే పోరాడుతున్నాడో -వారితో రాజికి సిద్దమై పోతే చాలు - అతనెదురుకొంటున్న అన్ని సమస్యలు హుష్ కాకి అయిపోతాయి.

అయినా రాజీలేని పోరాటం చేస్తున్నారాయన. పైగా నా ఆదర్శ పురుషుడు ఎన్.టి.ఆర్ - ఎన్.టి.ఆర్ మానవీయ పరిపాలనా విదానాన్ని స్వంతం చేసుకున్న వై.ఎస్. ఒరవడిని కొనసాగిస్తానని కమిట్ అవుతున్నారు. అందుకే ఉడతా పాటి సాయంగా జగన్కు మోరల్ సపోర్ట్ ఇస్తున్నాను.

నేను మొండి ఘఠాన్ని కాబట్టి - జగమొండిని కాబట్టి అన్నీ తట్టుకుని నిలబడ్డాను. భయిటపడ్డాను. కాని సామాన్యుడు ఏమై పోవాలి? రాజకీయాల పై నాకున్న ఆసక్తికి కారణం రాజకీయం సూటిగా సమాజాన్ని ప్రభావించ గలదు. పేదవానికి కాసింత ఊరటనివ్వ గలదు .లేదా వాడి బతుకును గుగ్గిపాలు చెయ్యగలదు .

మొదటి పనిని ఎన్.టి.ఆర్,వై.ఎస్.ఆర్ వంటి వారు చేసారు. చేస్తానని జగన్ ముందుకొస్తున్నారు.కాని ఇవి చాలవు. ఇవన్ని తాత్కాలిక పరిష్కారాలేనని నాకు తెలుసు. ఈ తాత్కాలిక పరిష్కారాలు సైతం లేకుంటే ప్రజలు -మరీ పేద ప్రజలు ఏమై పోవాలి?

శాస్వత పరిష్కారాలు ఎలా ఉండాలో నాకు పూర్తి అవగాహణ ఉంది. అయితే అది అమలయ్యే లోపు ప్రజలు విలవిలలాడి పోతారు. శాస్వత పరిష్కారాలు అమలయ్యే దాక వారి ఉనికిని కాపాడాలంటే - కాస్తో కూస్తో ఊరట కలిగించాలంటే అందుకు కావల్సింది ఎన్.టి.ఆర్ /వై.ఎస్.ఆర్/జగన్ మార్క్ పరిపాలనే.

రేపు జగన్ సి.ఎం కావడం -తాను హామి ఇచ్చిన సంక్షేమ పథకాలను అమలు చెయ్యడం తథ్యం.అయితే కేవలం వాటితో సంతృప్తి చెందే రకం మనిషిని నేను కాను. శాస్వత పరిష్కారాలను ప్రతిపాదిస్తూనే ఉంటాను.ప్రచారం చేస్తూనే ఉంటాను.

అయినా ఈ రాజకీయాల గురించి తరచూ ఆలోచిస్తుంటే బోర్ అనిపిస్తుంది. జీవితమే చాలా ప్రేలవంగా కనిపిస్తుంది.అందుకని ఏం చెయ్యగలను? ఇకనైనా ఆలోచించి ఏదో ఒక "రిలీఫ్" వెతుక్కోవాలి..