2012, మే ,25 జగన్ బతుకు బండిని ఎటు మళ్ళిస్తుంది?

ముందుగా జగన్ అభిమానులకు శుభవార్త :

ఈ రోజు జగన్ సి.బి.ఐ ఎదుట హాజరు కానున్న ఈ స్థితిలో - విచారణకంటూ పిలిపించి సి.బి.ఐ అతన్ని అరెస్ట్ చెయ్యొచ్చన్న ఈ పరిస్థితిలో - జగన్ పెట్టుకున్న తాత్కాలిక బెయిల్ పెటిషన్ను కోర్టు కొట్టివేసిన ఈ దుస్థితిలో మాకెక్కడిది శుభవార్త అని వాపోకండి.
నిజంగానే మీకో శుభవార్త చెప్పడానికే ఈ టపా. అదేమంటే జగన్ ఈ ఉప ఎన్నికల్లో నే కాదు రానున్న సార్వత్రిక ఎన్నికల్లో సైతం విజ ధుంధుభి మోగించడం ఖాయం

ఒక వ్యక్తి భవిష్యత్తు ఎలా ఉంటుంది అని ముందుగా తెలుసుకోవడానికి ఎన్నో మార్గాలున్నాయి. అందులో ఒక మార్గం గురించి ఇప్పుడు -ఇక్కడ చెబుతా.. శంఖ్యా శాస్త్రంలో చాలా మందికి తెలియని - కాని అధ్బుతంగా టాలి అయ్యేది ఒక పద్దతి ఉంది.
చాలా సింపుల్. ప్రాణ శంఖ్య లేదా స్థూల సంఖ్య లేదా నేమ్ నెంబరు కనుగొనాలి. ఇది కూడ చాలా తేలికే.
ప్రాణ శంఖ్య: వ్యక్తి పుట్టిన తేదిలోని అంకెలను కూడి ఏక సంఖ్య చేసుకుంటే అదే ప్రాణ శంఖ్య ఉ: జగన్ పుట్టిన తేది 21 దీనిని ఏక సంఖ్య చేస్తే 3 వస్తుంది.
స్థూల సంఖ్య; వ్యక్తి పుట్టిన తేది/నెల/సం లోని అంకెలను కూడి ఏక సంఖ్య చేసుకుంటే అదే ప్రాణ శంఖ్య ఉ: జగన్ పుట్టిన తేది 21/12/1972. దీనిని ఏక సంఖ్య చేస్తే 7 వస్తుంది.
నేమ్ నెంబరు: ప్రతి ఆంగ్ల అక్షరానికి ఒక విలువ ఉంటుంది. ఉ: AIJQ లకు విలువ 1 . దీని ప్రకారం పేర్లోని అక్షరాలకు వ్యాల్యూ వేసుకుని వాటిని కూడి ఏక సంఖ్య చేసుకోవాలి .జగన్ నేమ్ నెంబరు 6 వస్తుంది.
ప్రతి అంకె ఒక గ్రహాన్ని సూచిస్తుంది. ఉ. 3 గురువును , 7 కేతువును , 6 శుక్రుడ్ని సూచిస్తాయి.
సతరు వ్యక్తి యొక్క వయస్సు ఎంతో కనుగొని అతని గతాన్ని పై అంకెలతో విభజించాలి. విభజించగా వచ్చిన అంకె అతను ఎన్ని రౌండ్స్ కంప్లీట్ చేసాడో చెబుతుంది.
ఉ.జగన్ వయస్సు ప్రస్తుతం 40. దీనిని ప్రాణ సంఖ్య 3 తో భాగిస్తే 13 వస్తుంది. అంటే 13 వ రౌండ్లో ఉన్నాడన్న మాట. అంకె గ్రహాన్ని సూచిస్తుంది. రౌండ్స్ రాశిని సూచిస్తుంది. ఉన్న రాశులు 12 మాత్రమే కాబట్టి 12 రౌండ్స్ పూర్తయ్యాక మళ్ళీ మొదటి రౌండ్ ప్రారంభమవుతుందని భావింఛాలి. కారక గ్రహం గోచార విధులను పట్టి ఎన్నవ రాశిలో ఉంటే మంచిదో అన్నవ రౌండ్స్ జాతకునికి అనుకూలంగా ఉంటాయని భావించాలి.
గురు గ్రహం ,5,7,9,11 వ రాశుల్లో ఉంటే శుభం. జగన్ 39 సం. పూర్తి చేసుకోగానే రెండవ పెద్ద రౌండ్లో మొదటి రౌండ్ పూర్తయ్యి రెండో రౌండ్ మొదలైందన్న మాట. అంటే గోచారంలో గురు రెండవ రాశిలో ఉంటే ఏ ఏ ఫలితాలు జరుగుతాయో ఆ ఫలితాలన్ని ఇప్పుడు జరగాలన్న మాట. ఈ ఫలితాలు జగన్ రెండో రౌండ్ పూర్తి చేసుకునే దాక అంటే 42 సం. పూర్తి చేసుకునే దాక కొనసాగుతాయని భావం.
ఈ పద్దతి కరెక్టే అనడానికి ఏం ఆధారమని మీరడగ వచ్చు. రెండో పెద్ద రౌండ్లో మొదటి రౌండ్ జరిగినప్పుడు గురు జన్మ రాశిలో ఉంటే ఇవ్వ గల ఫ్లైతాలు జగన్ కి జరిగిందో లేదో చూద్దాం . 37 నుండి 40 వ ఏట దాక
అపనింద, అత్యాలోచన, వి.వి.ఐ.పిలతో కలహాలు, (ఇవన్ని జరిగాయి)
కాబట్టి ప్రస్తుతం రెండో రౌండ్లో ఉన్న జగన్ కి గురు రెండో రాశిలో ఉంటే జరగవలసిన ఫలితాలు జరుగుతాయి. అవేమిటో ఇప్పుడు చూద్దాం:
వాగ్దాటి పెరగడం - మాటకు విలువ -పలుకు బడి హెచ్చడం - కుటుంభంలో ఐక్యత (బాబాయి కూడ వచ్చి చేరిపోయాడుగా) - ఆర్థిక ఇబ్బందులు తొలగడం ( సాక్షి మీడియా ఖాతాల డీఫ్రీజ్) -రాజకీయంగా విజయం
సి.బి.ఐ ముందు హాజరు కావల్సిన ఈ రోజు నక్షత్రం పునర్వసు -దీనికి అధిపతి గురు - వృషభంలోని గురు కేతువుతో కలిసి ఉన్నాడు. కేతుకు సంభందించిన అంకె 7. జగన్ స్థూల సంఖ్య కూడ ఇదే. పైగా ఈ రోజు తేది 25 దీనిని సింగిల్ నెంబరు చేస్తే 7 వస్తుంది. ఇదీ అనుకూల అంశమే.
ప్రాణ సంఖ్యను పక్కన పెట్టి స్థూల సంఖ్యయగు 7 తో జగన్ వయస్సును భాగిద్దాం. 40 డివైడడ్ బై 7 అంటే 35 సం.లు పూర్తయ్యేదాక పెద్ద అనుకూలత ఉండదు ( కేతు 5 న ఉంటే జరుగ గల ఫలితాలే జరిగి ఉంటాయి)
కాని కేతు 6 న ఉంటే మంచిదే ( 6 వ రౌండు -అంటే 35 నుండి 42 వ ఏట వరకు) దీంతో పగవారిని ఓడించడం - తిరుగులేని మనిషిగా ఎదగడం-శతృ శేషం -రుణ శేషాలను పూర్తిగా పైసల్ చెయ్యడం జరుగుతాయి..
నేం నెంబరు ప్రకారం చూసినా (6) శుక్రుడు 7 వ రాశిలో ఉంటే మంచిది కాదు . అంటే 6x7=42 వ వయస్సు దాకే చెడ్డ . ( అన్నాహారాలు -నిద్ర-విశ్రాంతి లేక అల్లాడటం -ఇంటికి - భార్యకు దూరంగా ఉండాల్సి రావడం) 42 పూర్తైతే 8 వ రౌండ్ మొదలవుతుంది. శుక్రుడు 8 న ఉంటే చాలా విశేషం .కొన్ని పురాతన జ్యోతిష గ్రంథాలు శుక్రుడ్ని రాజయోగ కారక గ్రహంగా పేర్కొంటాయి. తమిళనాడు సి.ఎం జయ జాతకంలో సైతం శుక్రుడు ఒకడే మాంచి పొసిషన్లో ఉన్నాడు.శుక్రభలంతోనే ఆమె రాజయోగాన్ని అనుబవిస్తూంది

తూ! నా బతుకు..

ఎవరికైనా సరే తమ బతుకు" పై తూ!  నా బతుకు.." అనే భావం కలిగిందంటే చాలా కష్ఠమవుతుంది. ఇలా అనిపించ కూడదంటే కాషాయం కట్టి కాశికి వెళ్ళి పోవాల్సిన అవసరం లేదు. మొదట మన సంపాదన -జీవన విధానంలోని నిరర్థకతను అర్థం చేసుకోవాలి. నిన్నటి నా టపా చదవని వారు ఇక్కడ నొక్కి ఒక మారు చదవండి. 

ఇక పాయింటుకొస్తా:

క్రింద నేను పొందుపరచినవి కేవలం శ్రీరంగ నీతులు కావు. నేను నమ్మినవి -ఏ స్థితిలోను ఏ పరిస్థితిలోను -నాతో ఎవరు ఉన్నా ఎవరు పోయినా నేను పాటించినవి .ఇక గో అహెడ్!

1.సృష్థిలో ఏ జీవరాశికి లేని రెండు సామర్థ్యాలను ప్రకృతి మనకిచ్చింది. ఒకటి ఆలోచనల్లో కంటిన్యుటి, రెండు ఆలోచనలను వెలిబుచ్చడం.కేవలం  సర్వైవల్ ఒక్కటే దీని ద్యేయమంటే సర్వైవల్ కి ఇది అనవసరం. ఇంకాస్త లోతుగా ఆలోచిస్తే మన సర్వైవల్ కు ముప్పుగా మారే అంశాలు కూడ ఈ రెండే.

ఆలోచనల్లో కంటిన్యుటి:
యజమాని అన్నం పెట్టకుంటే కుక్క గారు కూడ ఆలోచిస్తారు. ఈ ఆలోచన ఎందాక కంటిన్యూ అవుతుందంటే తన పళ్ళెం అన్నంతో నిండేదాకే. అంతేగాని ఆ కుక్కగారు తన యజమాని తనకు ఏ ఏ సందర్బాల్లో అన్నం పెట్టలేదని ఆలోచించరు. పళ్ళెంలో అన్నం పడ్డాక సుష్ఠుగా భోంచెయ్యక  ఆ కుక్క గారు తన్కు భోజనం లేట్ చేసిన యజమాణి బూటు కొరుకుదామా? అతన్నే కొరుకుదామా అని ఆలోచించరు. పైగా ఇలా అన్నం కోసం వెల వెల పోయిన తరుణాన్ని బ్లాగులు ఎలా రాద్దామా అని శిల్పం గురించి ఆలోచించరు. కాని మనుషులం ఏం చేద్దామో.. మనుషులుగా మీకే తెలుసు. ఇది సర్వైవల్ కు అవసరమంటారా? ఆటంకమంటారా?

ఆలోచనలను వెలిబుచ్చడం:
ఆలోచనల్లో కంటిన్యుటియే సర్వైవల్ కు ఆటంకమైనప్పుడు ,వాటిని వెలిబుచ్చడం ఎంత ప్రమాదకరమో చెప్పక్కర్లేదు.

మరెలా ఆలోచించాలి?
ఎకనామిక్స్ స్టూడెంట్స్ కి మేక్రో మైక్రో అంటే తెలిసే ఉంటుంది. మన ఆలోచనలు మేక్రో లెవల్లో ఉండాలి. కాని వాటిని నిజం చేసుకోవాలంటే మన ప్రయత్నం మైక్రో లెవల్లో ప్రారంభం కావాలి. మన ప్రయత్నాలకో బ్లూ ప్రింట్ తయారు చేసుకునే దిశగా మన ఆలోచనలు సాగాలి.

సినిమా భాషలో చెప్పాలంటే ..ముందుగా కథ (కల) ఆతరువాత స్క్రీన్ ప్లే (కలను సాకారం చేసుకునే మార్గాలు) ఆ తరువాత దర్శకత్వం (అమలు తీరు) ఇవి తయారైనాక నిర్మాతను పట్టుకోవాలి (వనరులు) . వనరుల లభ్యతకు అనుగునంగా కొన్ని మార్పు చేర్పులు చేసుకోవాలి. ఇలా ఒక్క సారి ఆలోచించి మైండ్లో దాచుకుంటే (నేనైతే వ్రాసుకుంటా - అవి బ్రహ్మ వ్రాతలా ఉంటాయి -సామాన్యులకు అర్థం కావు) మన ప్రతి అడుగు -ప్రతి ఆలోచన దానికి సంభంధించే ఉండాలి కాని పక్క ద్రోవ పడే ప్రసక్తే ఉండ కూడదు.

కల ఓకె. కల సాకారానికి మైక్రో,మేక్రో లెవల్ థింకింగ్ ఓకె. కథ-స్క్ర్రీన్ ప్లే -దర్శకత్వం-నిర్మాత-మార్పులు చేర్పులు ఓకె. వీటి కోసమే ఆలోచించడం -పని చెయ్యడం కూడ ఓకె.

మరి ఇవన్ని ఎందుకు? ఒక వేళ కల  సాకారం అసాధ్యమైతే ఏం చెయ్యాలి? బెడిసి కొట్టి రోడ్డున పడితే ఏం చెయ్యాలి?  కల కంటున్నప్పుడు ఏం చెయ్యాలి? సాకారమవుతుండగా ఏం చెయ్యాలి? సాకారమయ్యాక ఏం చెయ్యాలి?

ఈ ప్రశ్నలకు సమాదానాన్ని ముందుగానే వెతుక్కోవాలి. మీరేంచేసినా చెయ్యకున్నా.. చేస్తున్నా..పూర్తి చేసినా ఏ దశలోను మీరు మరువ కూడని ఒక సంగతి ఉంది. అదేమంటే సాటి మానుషులు.

ఇక్కడే భావాలను వెలి బుచ్చే సామర్థ్యాన్ని మనం సద్వినియీగం చేసుకోవాలి. తల్లి,తండ్రి, అన్న దమ్ములు,అక్క చెల్లెళ్ళు,ఇరుగు పొరుగువారు, భంధు మితృలు,సహపాఠులు ఇలా నెంబర్ ఆఫ్ గ్రూప్స్ ఉంటాయి.

వీరిలో మీ ఆలోచనలను అర్థం చేసుకునే వారితో మీ భావాలను పంచుకోవాలి. మీ 18వ ఏట వీరి సంఖ్య వేలల్లో ఉంటే మీరు సక్సెస్ అయినా కాకున్నా మీ 40 వ ఏట ఈ సంఖ్య సింగిల్ నెంబరుకి పడి పోతే ఆశ్చర్య పడాల్సిన అవసరం లేదు.

కల కంటున్నది నేను -సాకారానికి బ్లూ ప్రింట్ నాది - కృషి నాది -నేనేంది వీరితో పంచుకోవడం -వీరిని కన్విన్స్ చెయ్యడం - మిడ్ టెర్మ్ రిసల్ట్స్ వచ్చినప్పుడు వీరితో ఎందుకు సెలిబ్రేట్ చేసుకోవడమని మీరు ప్రశ్నిస్తే...

మీ సంపాదన -ఖర్చు - జీవితం అన్నీ వృధా అవుతాయి. శిఖరానికి ఎగిసినా మీలో ఒంటరి తనం -అభద్రతా భావం - తూ..నా బతుకు అన్న ఫీలింగు ఖచ్చితంగా ఏర్పడతాయి. ఇది మిమ్మల్ని stressకి గురి చెయ్యొచ్చు, డెప్రెషన్ కి గురిచెయ్యొచ్చు, ఆత్మహత్యకే కూడ ప్రేరేపించ వచ్చు.

జీవితం కూడ న్యూస్ పేపర్ వంటిదే. జులాయిగా తిరగడం -అమ్మాయిల వెంట పడటం ఇవన్ని సినిమా పేజీల వంటివి.  ఎంతో ఆసక్తిని కలిగిస్తాయి.

"విల్ కిరణ్ కంటిన్యూ యార్!" "ఐ డోంట్ నో.. సింప్లి ఐ డోంట్ నో" కోవకు చెందిన వాడు కేవలం ఒక కౌన్సిలర్ తన ఇంటిని /ఇంటి స్థలాన్ని ఆక్రమించుకుంటే ఆత్మ హత్య చేసుకుంటాడు.

న్యూస్ పేపర్లోని రైతుల ఆత్మ హత్యలు, భూ కబ్జా భాగోతాలు ఎంత బోరనిపించినా ఇవన్ని కూడ న్యూస్ పేపర్లో ఒక భాగమే.

సినిమా పేజి చూడాలనిపించే వయస్సులోనే రైతుల ఆత్మ హత్య గురించి కూడ అర నిమిషం ఆలోచించే ఓపికుంటే  భవిష్యత్తులో "తూ నా బతుకు.." అని నొచ్చుకోవలసిన అవసరం రాదు.

సాటి మనుషుల గురించి మనం ఆలోచించాల్సిన అవసరమేముంది? అని కొందరు ( మేథ్స్ గ్రూఫు వారు) ప్రశ్నిస్తారు.

రేపు నువ్వు సాఫ్ట్ వేర్ ఇంజినీర్ అవుతావు. లక్షలు లక్షలు సంపాదిస్తావు. నీ కొడుకు మందు తాగి బార్లో గొడవ చేసి కాళ్ళు చెయ్యి విరక్కొట్టుకుని యాక్సిడెంట్ అయ్యిందంటాడు. నీకో పాత మితృడు టాక్సి డ్రైవరుగానో - ఆటో డ్రైవరుగానో ఉంటాడు. వాడే నీ కొడుకును హాస్పిటల్లో అడ్మిట్ చేసి ఉండొచ్చు. అంతకు పూర్వమే నీ కొడుకు బీర్ తాగే స్టేజిలోనే ఆడ్ని గమనించి ఉంటాడు. కాని నువ్వు ఏసి కారులో జోరుగా పాస్ అయిపోతుంటే నీకు ఎలా చెప్పాలో తోచక వదిలేసుంటాడు.

నువ్వెంత పెద్ద భవంతినన్నా నిర్మించుకో.. వద్దనను.పునాది వైపు కూడ ఒక కన్నేసి ఉంచు.సాటి మనుషులే నీకు పునాది. నువ్వెంత పెద్ద పుడింగివి అయినా దానివలన నీ సాటి మనుషులకు ఏం ఒరుగుతుంది? ఈ సమాజానికి ఏం దొరుకుతుందన్నదే ముఖ్యం. ఈ కాన్సెప్ట్ నీ బ్లూ ప్రింట్లో లేకుంటే క్షణ క్షణం భార్య/పార్ట్నర్/లోకల్ గూండా/లంచ కుండీ అయిన పోలీస్ ఆఫీసర్ హింసకు గురవుతూ కుక్క చావు చస్తావు.

లేదా నీ జీవితంయొక్క నిరర్థకత అర్థమై మళ్ళీ ప్రేమలో పడతావు. భార్యను చంపటానికి స్కెచ్ ఏస్తావు. లేదా మరో కంపెని ప్రారంభిస్తావు.లేదా నువ్వు పని చేసే కంపెనియొక్క విదేశీ శాఖకు బదిలి కోరతావు.

నిన్ను ఏ నా కొడుకు గౌరవించినా గౌరవించకున్నా నిన్ను నీ మనస్సు గౌరవించేలా బతకాలి. ఆ గౌరవం సాటి మనుషులతో -సమాజంతో నువ్వు అనుసంధానం అయినప్పుడే లభిస్తుంది. నువ్వెవరిదగ్గరనుండైనా తప్పించుకుని ఏ.సి గదిలో భంధీ కాగలవు. కాని నీ నుండి నువ్వు తప్పించుకో లేవు.

నాకు నాకు అని చంకలు గుద్దుకుంటూ పోతే నీకంటూ ఎవ్వరూ ఉండరు. ఈ క్షణం ప్రారంభించు.. అసలు మన జీవితాలే సాటి వరి కోసం. ఈ సమాజం కోసం. సమాజం ఒక గడ్డి వాము వంటిది. మనమంతా అందులో చీమలం,దోమలం.ఒక్క్ అగ్గిరవ్వ చాలు కాలి భూడిదై పోతాం.

దానిని తడుపు ప్రేమతో,అనురాగంతో,కరుణతో,లలిత కళలతో,మంచితనంతో ,మానవత్వంతో.

నిన్ను మథర్ థెరిసా అయిపోమని చెప్పడం లేదు. ఇదో ట్రీట్మెంట్. సల సల కాగుతున్న నీ రక్తాన్ని చల్ల పరచుకునే ట్రీట్మెంట్.

ప్రతి ఒక్కరూ షూ లేదని బాధ పడితే కాళ్ళు లేని వారేమై పోవాలి?
ప్రతి ఒక్కరూ Adharsh Apartmentలో అలాట్మెంటుకి భార్యలను ప్రజా ప్రతినిదులకు పరుండ చేస్తే ఫుట్పాత్లో తన మలాన్ని తనే తినడానికి ప్రయత్నించిన ఆ దౌర్భాగ్యునికి దిక్కెవరు..

నిజం -సత్యం-సుఖం-శాంతి ఇవి ఆ కోశాన లేవు -ఈ కోశాన లేవు. మద్యలో ఉన్నాయి. అటు ఇటుల నడుమ ఉంది సత్యం. గాంథిలా దళితులు మల విశర్జన చేసిన ప్రదేశాన్ని భార్యచేత శుభ్రం చెయ్యించడంలోను నిజం లేదు. నీ ఇంటి కక్కసుకి ఏ.సి చెయ్యించుకోవడంలోను లేదు నిజం.

మరెక్కడుంది? ఆలోచించు.. పవిత్ర ఖురాన్లో ఒక మాట ఉందని విన్నా. భగవంతుడు చెబుతాడు " మీలో ఏ ఇద్దరు ఏది కోరినా తక్షణం నొసంగ గలను"

విజయ రహస్యం -SECRET OF SUCCESS

విజయం పట్ల తపనలేని వారు ఎవరుంటారు. అనర్హుడు, బుద్ది హీనుడు,పావలా విలేకరి, అర్ద రూపాయి రచయిత ఇలా ఒకరేం ఖర్మ ప్రతి ఒక్కరు విజయాన్ని కోరుకుంటారు. విజయం మీకేమిస్తుంది? అసలు మీ పోరాటాలేవి? ఆ పోరాటాలకు మూలం ఏది? విజయం మిమ్మల్నేం చేసుతుంది?

ఈ ప్రశ్నలకు సమాధానం తెలపాలనే ఈ టపా. మానవుడు ఏ పని చేసినా ఆ పనులకు అతనిని ప్రేరేపించేవి రెండు. ఒకటి చచ్చే కోరిక.రెండు చంపే కోరిక. ( ఇది నా కల్పితం ఏమీ లేదు ముర్రో.. సైకాలజిలో ఉంది)

ఎందుకీ పాడు కోరికలు? ఈ ప్రశ్నకు కావాలంటే నేను నా లోతైన ఆద్యయనంతో వెలికి తీసిన , ఈ సృష్ఠిలోని సమస్త ప్రాణుల ప్రతి  కదలికకు బాష్యంగా నిలవ గల  సమాధానం చెప్ప గలను.  ఇదివరకే ఏదో టపాలో ఈ టాప్ సీక్రెట్ ను వివరించినట్టు గుర్తు కాబట్టి  దీనిని దాట వేసి విజయం వైపుకే వస్తున్నా.

ఇది వరకే చెప్పాను ( సైకాలజి చెబుతుందని) మనిషి ఏ పని చేసినా ,అది స్థూలంగా ఏ పని అయినా సరే దాని వెనుక ఉన్న ప్రేరణలు రెండే ఒకటి చంపటం మరొకటి చావడం.  మానవుడు ఆఠవిక జీవితం సాగించినా,సంచార జీవితంలో ఉన్నా ,స్థిరవాసం ఏర్పరచుక్న్నా అతనిని అహర్నిశలు వెంటాడి వేదిస్తూ, వనికిస్తూ , తొలచి వేసేది మరణం మరణం మరణం ఒక్కటే..

దెయ్యాలంటే భయపడేవానికే అడుగడుగునా దెయ్యాలు కనిపిస్తుంటాయి.అలా మరణం అంటే  వనికి పోయే మానవ మస్తిష్కానికి ప్రతి చిన్న విషయంలోను మరణం దర్శనమిచ్చి అతన్ని బెంబేలెత్తిస్తుంది.

చీకటి, తిరస్కారం, పేదరికం,ఆకలి, అనామకత్వం,అయిన వారి నుండి దూరం చేసి మరణంతో చేరువ చేసే కాలం, వృద్దాప్యం (మళ్ళీ చెప్పాలా : ఇది మరణానికి చేరువ చేస్తుంది) ఇలా ఒకటి కాదు ప్రతిదానితో మరణాన్ని ముడి వేసుకుని వాటినుండి భయట పడాలని మనిషి తెగ ఆరాట పడి పోతుంటాడు.

వీటిని మరణం యొక్క చాయలని చెప్పొచ్చు. మానవుడు మరణంతోనే తను యుద్దం చేస్తున్నామన్న భ్రమలో మరణం యొక్క చాయలతో యుద్దం చేస్తూ క్షణం క్షణం మరణ యాతన పడుతుంటాడు.

ఎప్పుడో ఒక సారి మాత్రమే ఎదురు కానున్న మరణంతో కరచాలనం చేసే దమ్ము లేక మరణం యొక్క చాయలతో యుద్దం చెయ్యడం ఎంతటు మూర్ఖత్వమో మీరే ఆలోచించండి.

మీరు విజయాలని ఏ ఏ విషయాలను చెబుతారో అవన్ని మరణం యొక్క చాయలతో చేసిన యుద్దాల్లో లభించిన మద్యంతర ఊరడింపులే.

విద్య :
విద్యతో ఉధ్యోగం వస్తుంది. ఉధ్యోగం వస్తే పెళ్ళి అవుతుంది. పెళ్ళవుతే ఒక భార్య వస్తుంది. ఆమె మీ ఒంటరితనాన్ని పోగొడుతుంది. ఒంటరితనం మరణానికి ప్రతీక.

ఇందులోని చేదు నిజం ఏమంటే చాలా మంది భార్యా మణులు మరణ యతన పెట్టేస్తుంటే, కొందరు ఉత్తమ స్త్ర్రీలు మరణాన్నే ప్రసాదించేస్తారు.

మీరు విజయమని భావించే ప్రతి విషయమూ ఇటువంటిదే.ఇటువంటి ఫలితాలనే ఇస్తుంది. స్థూల వస్తువుతో చేసే యుద్దం గెలుపోటములను ఇస్తుంది కాని చాయలతో చేసే యుద్దం ఏం చేస్తుంది?

ఇంకో ఉదాహరణ కూడ చెబుతా:
మీరు ముసలితనాన్ని వాయిదా వెయ్యడం కోసం ఏవేవో తంటాలు పడుతుంటారు. (హేర్ డై వేసుకోవడం మొదల్గొని , ప్లాస్టిక్ సర్జరి, వాకింగ్,జాగింగ్,యోగా, ద్యానం) అందుకని మరణం ఎప్పటికీ మీ చాయలకు రాదా? ఖచ్చితంగా వస్తుంది.

అందుకే నేను చెప్పడం ఏమంటే మీ విజయాలు వృధా. ఎందుకంటే మీ యుద్దాలే వృధా. ఎందుకంటే మీ యుద్దం స్థూల వస్తువుతో సాగడం లేదు. కేవలం నీడలతో సాగుతూంది.

పైగా మీరు విజయం కోసం పడే ఆరాటం మిమ్మల్ని మరణానికి చేరువ చేస్తుంది. అంటే మనలో ఎవ్వరూ విద్య ,ఉధ్యోగం,పెళ్ళి,సంతానం,పేరు,ప్రఖ్యాతలు,దనం, అధికారం తదితర విజయాలకు ఆరాటపడకూడదా అని మీ ప్రశ్నించవచ్చు.

నెనలా అనడం లేదు. అసలు విషయం తెలుసుకుంటే లో గుట్టును రట్టు చేస్తే మీ యుద్దాల అనర్థాన్ని, పేరడిని, పిచ్చితనాన్ని అర్థం చేసుకుంటే మీ యుద్దం ఒక చదరంగంలా ఉల్లాసంగా సాగుతుంది.

ఎప్పుడైతే గెలుపోటముల అర్థరాహిత్యం మీ అంతరాత్మకు అర్థమై పోతుందో మీ లో ఎటువంటి టెన్షన్, ఆతృత ఉండదు. అలా రిలేక్స్ గ్యేమ్ సాగినప్పుడు మరణం యొక్క చాయలతో మీరు చేస్తున్నా యుద్దాల్లో ఇన్ని తప్పటడుగులు,కుళ్ళు కుతంత్రం, అవినీతి,అన్యాయం,అధర్మం ఉండవు కాక ఉండవు.

ఇటీవల నా తమిళ బ్లాగులో ఆన్ లైన్ మితృడు సాటి బ్లాగర్ సుకుమార్ జి ఒక అధ్భుతమైన వ్యాఖ్య చేసాడు. ( మన జీవితాల గురించి)

ఎముకలను త్రవ్వ పోయిన కుక్క ఆ గోతిలో తనే పడినట్టుగా ఉందట మన జీవితాలు. అలా కాకూడదనే తల పగల కొట్టుకుని మీరు తలపట్టుకునే ఈ టపా వ్రాసాను

ఇక ఉంటాను బాస్..

తమిళ బ్లాగ్లోకంలో నా విజయ రహస్యాలు

తెలుగు బ్లాగ్లోకంలోనైతే ఒక పొలిటికల్ స్టాండ్ తీసుకుని వ్రాస్తూ వచ్చాను  http://www.blaagu.com/swamy7867 ఎన్.టి.ఆర్ మరియు వై.ఎస్.ఆర్ అనుకూల వైఖరి కారణంగా కొంత నష్ఠం జరిగి ఉండవచ్చు. కాని తమిళ బ్లాగ్లోకంలో ఉద్దేశ పూర్వకంగా కాక పోయినా కాకతాళీయంగా ఒక స్టాండ్ అంటూ లేక పోయింది . ఏ వర్గం తప్పు చేసినా ఖండిస్తూ వచ్చాను.
అయితే కుల వ్యవస్థకు,కులాహంకారానికి ,ముఖ్యంగా బ్రాహ్మణుల కులాహంకారానికి వ్యతిరేకంగా నా రచనలు ఉన్నవి

పెరియార్ తమ యావద్ జీవితాన్ని ధార పోసి నెలకొల్పిన " పగుత్తరివు"  ( విచక్షణా జ్ఞానం) అక్కడ   చెక్కు చెదరకుండటంతో ఇదీ నాకో ప్లస్ పాయింట్ అయ్యింది. పెరియార్ అనుకూల వైఖరిని  కొనసాగించాను.

బ్రాహ్మణుల కులాహంకారం, విద్య విషయంలో వారు అవలంబించే స్వార్థ పూరిత వ్యూహాలంటే నాకు పరమ చికాకు.

అటు పెరియార్ ను కొనియాడుతూ ఇటు జ్యోతిష్యం  ఆథ్యాత్మిక విషయాలు ఎలా వ్రాసానంటే... దేవుడున్నాడనడానికి దేవునితో పెద్ద అనుసంథానం అవసరం లేదు. దేవుడు లేడు అనాలంటేనే దేవునితో అసలు సిసలైన అనుసంథానం అవసరం   వాదిస్తూ వచ్చాను . అది పెరియార్ కు ఉండేదేమోనని  వాదిస్తూ వచ్చాను.

 నాకు సాటి బ్లాగర్లకు  ఉన్న తేడా  జ్యోతిష్యం,వాస్తుల్లో నాకు  ఉన్న ప్రానీణ్యత. పైగా స్వతా: కుదిరిన  సెక్సాలజి మరియు సైకాలజి సంబంధ టపాలు నా బ్లాగుకు ఒక వైవిద్యాన్ని తెచ్చి  పెట్టాయి.సెక్స్ అంటే స్వాతివంటి మాస్ పత్రికల్లో వచ్చే సరసమైన కథల్లా కాకుండా ఎజుకేటివ్ గా వ్రాస్తూ వచ్చాను.  ఉ. అడల్ట్ జోక్స్ అందించినప్పటికి వాటి వెనుక ఉన్న సైకాలజిని అనలైజ్ చేసాను.

కేవలం అక్రమ సంభంధాల చిట్టా విప్ప కుండా వాటికున్న కారణాలను అన్ని కోణాల్లోనుండి వివరించాను. అదెలా కుదిరిందో కాని సక్సెస్ మాత్రం వరించింది. చెప్పడం మరిచాను  ముఖ్యంగా నేను బ్లాగర్ల గ్రూపు రాజకీయాల్లో తల దూర్చ లేదు.

హెశ్చరిక:
ప్రస్తుతం తమిళ బ్లాగ్లోకానికి ఒక అగ్ని పరీక్ష పెట్టాను ప్రస్తుతం నా బ్లాగుకు 243 మంది సభ్యులే ఉన్నారు.ఈ సంఖ్య అక్టో. రెండు లోపు ఐదొందలు కావాలి కాకుంటే కొత్త టపాలు వెయ్యనని అల్టిమేటం జారి చేసాను. ఒక వేళ ఈ సంఖ్య అసాధ్యమైతే తెలుగు బ్లాగ్లోకం పైనే దృష్థి కేంద్రీకరించాలని నా ప్లాన్.